بسم الله الرحمن الرحيم
بعد السلامات والتحيات وكل الحاجات دى
سؤال بيطرح نفسه لو انا واقف فى معركة من غير سلاح هعمل ايه
؟؟
اكيد فى رد
انا مثلا لو وقف فى معركة ومش معايا سلاح ممكن اعمل حاجتين
1- هسلم نفسى للجيش المعادى وهستسلم فور انتهاء الزخيرة
2- ممكن استخدم ايدى كسلاح وممكن احسب حسبانى على انى انقض على العدو من ظهره مش خوف ولا خيانه ولكنها حكمه ومفجأة فى نفس الوقت
تخيل بقى انك فى الدنيا دى هيه المعركة ومش معاك سلاح هتعمل ايه ؟؟
مش ممكن تسلم نفسك للعدو الحل الوحيد انه يكون معاك سلاح
والسلاح الوحيد اللى هيكون مقبول هوه يا العلم يا الإيمان
والاتنين لازم يكونوا متوفرين فى البنى آدم
يعنى لازم يكون متعلم ولازم يكون فى قلبه إيمان بربه وإيمان بقدراته وقدرات غيرة
وهوه ده الحل الوحيد لانه ينجى نفسه ويفوز فى معركة الحياة
ما تحطش فى دماغى انا عمرى ما هوصل للوصله فلان
هوه مش زياده عنك أيد ولا رجل ولا اى حاجة خالص يمكن اللى هوه عمله زياده بس انه شاف مستقبله فيين وخطط ومشى وراة
وهوه ده اللى لازم كل انسان يعمله علشان يوصل للهدف اللى بيحلم بيه
ولو حلمك اختفى فكر فى حلم تانى ما تستسلمش لليأس
لأنه زى ما قالوا (لاحياة مع اليأس ولا يأس مع الحياة ) ولازم كلنا نحلم علشان نعيش ونحدد مستوانا فى الحياة كلها